News

藍銅胜肽精華液配合導入機使用分享

Endless Choi

我相信買咗或者試用咗我地嘅藍銅胜肽精華液嘅客人都覺得佢又爽又容易吸收,最重要係用咗幾次皮膚已經開始緊緻有光澤,我自己都比十個Like 呀 ! 而且連續使用咗一個月之後,細紋真係淡咗好多,有客人都話我知佢地連頸都搽,順便可以減埋頸紋。 唔知大家有無導入機呢?我好耐之前已經有用呢D家用美容儀嘅習慣,因為我覺得好嘅護膚品都要配合埋儀器先發揮到最好效果,但曾經聽過一單新聞,有個非常貪靚嘅女仔用咗一款護膚品不停每日用導入機導入,結果成面腫曬去睇醫生,診斷結果係佢導入咗過多防腐劑入真皮層,聽完之後都覺得好恐怖,所以每次使用呢D導入機我一定只會用自己整嘅護膚品,用起上黎都安心好多。 今次我就分享一下我平時用藍銅胜肽精華液導入嘅方法。因為呢款精華液好快就會吸曬,我會左右面分開做。首先滴2-3滴精華液落導入機頭位置,先做一邊面,眼下位置我都會做埋,之後再加精華液做埋另一邊面,如果中途好快吸曬都可以再加,藍銅胜肽精華液配合埋導入機效果超讚呀,又唔洗擔心會導入咗防腐劑,貪靚嘅你地快D試下啦!


找合資格香薰治療師做產品調配

Endless Choi

尋日同D朋友食飯,佢share 咗佢朋友嘅一個case出黎,聽完令我覺得好多人為咗賺錢真係咩都夠膽講,對所有客人完全唔負責任。 話說就係佢朋友有個18個月大嘅BB,因為成日咳做媽咪當然擔心,聽人講話試下用天然香薰有止咳功效,咁呢個媽咪就去咗其中一間有售賣香薰精油嘅店舖,買咗一支香薰油,個店員同佢講可以直接搽喺BB咽喉位置。點知有一次比我朋友見到支精油成份係有尤加利精油,即刻叫個媽咪唔好再用喺BB身上。因為尤加利精油有相當嘅毒性所以殺菌能力亦都好強,本身有D比較溫和嘅品種係可以使用喺小朋友身上,不過份量要特別小心注意。雖然果支香薰油已經用可可巴油稀釋咗,但佢地用嘅仲要係毒性最強果款尤加利精油,令我不得不再一次提醒下大家,購買所有治療用嘅香薰油,一定要搵合資格嘅香薰治療師先好調配。    


何謂"有機" ?

Endless Choi

之前在法國訂咗一批原材料 - 包括花水(有人稱之為純露) 、植物油及香薰精油,未開呢間公司之前我自己已一直用開呢間法國原材料嘅野,試過好多間最終決定選擇佢地,大家知唔知點解?因為佢地拎咗好多權威嘅認証架! 佢地有日本、歐盟及美國嘅國家質量認証,最勁係拎咗 ECOCERT,ECOCERT 認證起源於法國,成立於1991年。其組織目前分布於全世界五大洲,且在80多個國家進行視察,使它成為世界上最大的有機認證機構之一 。     經過ECOCERT 認證的"有機"產品有幾項特點:1.  至少有95%以上的成分全是有機的。 2.  非基因改造植物以及產品。 3.  不含石化成份、合成色素香料、礦物油、矽膠、殺蟲劑、動物性原料等等。 4.  生長在未受毒物質汙染的有機環境中。 簡單來說,「有機」就是在耕種的時候不能用農藥、不能用化學肥料、不能用生長調節劑、不能使用基因改造生物、不能用人類糞尿。 我地公司全部products 絕大部份都係用以上呢間法國原材料調配,所以大家絕對可以放心使用,用喺臉上邊一定要選擇好品質,我地唔會選擇劣質原材料,因為自己都係用家。以後大家選擇護膚品時候記住小心啦!    


護膚品當中最常見既有害成份

Endless Choi

以下係護膚品當中一d最常見既有害成份,等大家可以今年開始就遠離佢地啦! 1) 酒精 (Alcohol, Ethanol, ethyl alcohol, methanol, benzyl alcohol, isopropyl alcohol, SD alcohol, alcohol denat) 一般含酒精產品如收縮水、緊膚水、爽膚水等,用後皮膚多會產生一種緊繃感覺,而呢個感覺容易令愛美人士產生錯覺,以為是個好反應甚至愛上, 但其實酒精係至敏感既原凶, 令皮膚會越黎越乾 2)防腐劑 (paraben, Methylparaben, Propylparaben, IIsoparaben, Butylparaben) 基本上所有⋯⋯大牌子既護膚品都有加入防腐劑, 見到保存期可以有2-3年以上都必定有防腐劑, 防腐劑對皮膚有極大傷害: 加速細胞老化、令皮膚粗糙、暗淡、阻礙美白功效發揮 3)人工香料 (fragrance, parfum) 市面上好多香料都是人工合成,使用過量既香料會造成皮膚過敏或者皮膚炎,仲會引起色素沈澱,如果你有色素沈澱問題,快D檢查你既護膚品中是係咪含有香料或香精 4)石油  (petroleum, petrolatum, mineral oil, liquid paraffin and paraffin wax) 上次都有同大家提及礦物油,礦物油係石油副產品, 所謂用來鎖住水份的物質,可能就是傷害你皮膚既礦物油,就好似保鮮膜咁包覆住你既肌膚,肌膚就無法排出毒素,礦物油係一種廉價既護膚成分,會干擾皮膚既天然免疫屏障,提早老化 今晚就返去睇下用緊既護膚品有無以上既成份,唔好再日日傷害自己寶貴既肌膚啦!